Gofyn am gymorth ychwanegol ar gyfer Arholiadau
Mewn arholiadau allanol, bydd angen cymorth a ‘threfniadau mynediad’ ar nifer o blant a phobl ifanc ag Anghenion Dysgu Ychwanegol (ADY).
Mae trefniadau mynediad yn caniatáu i ddysgwyr ag ADY, anableddau neu anafiadau dros dro gael mynediad at arholiadau heb newid gofynion yr asesiad.
Gallai trefniadau mynediad gynnwys:
Darllenwyr, copiwyr, papurau arholiad Braille, amser ychwanegol ag ati.
Drwy ddarparu’r trefniadau hyn, bydd y ‘Cyrff Dyfarnu’ cymwysterau yn cydymffurfio â’r ddyletswydd yn Neddf Cydraddoldeb 2010 i wneud ‘addasiadau rhesymol’.
Dylech siarad â’r ysgol neu’r coleg. Dylen nhw gasglu’r dystiolaeth angenrheidiol i gefnogi’r cais. Y dystiolaeth orau fydd y ffaith bod y plentyn neu’r person ifanc wedi derbyn y math yma o gymorth yn y gorffennol.
Dylech ysgrifennu at yr ysgol neu’r corff llywodraethu os oes yna broblem. Os yw plentyn neu berson ifanc wedi cael cymorth gydag arholiadau yn y gorffennol, mae’n bwysig gwneud hynny’n glir a bod dal angen y cymorth hwnnw ar y plentyn neu’r person ifanc os ydyn nhw i gyrraedd eu potensial.
Gellir cofnodi unrhyw drefniadau arbennig mewn CDU, ond os oes gan blentyn anabledd a dim CDU, mae dal dyletswyddau o dan y Ddeddf Cydraddoldeb i wneud ‘addasiadau rhesymol’.
Bydd yr ysgol neu’r coleg yn gweud cais am drefniadau mynediad drwy ddefnyddio’r system Trefniadau Mynediad Ar-lein a ddefnyddir gan holl gyrff dyfarnu y Cyd-Gyngor Cymwysterau. Dylai’r rhan fwyaf o’r ceisiadau a gyflwynir gael eu cymeradwyo’n awtomatig Dylai’r ysgol neu’r coleg wneud hyn i sicrhau bod y trefniadau ar waith ar draws yr holl ofynion arholiadau ac nid yr arholiad terfynol yn unig.
Mewn achosion lle na chymeradwyir y cais, ceir proses adolygu. Mae dyddiadau cau allweddol i wneud cais am Drefniadau Mynediad, dylech ofyn i’r ysgol neu’r coleg wneud y ceisiadau hyn cyn gynted â phosibl.
Os oes gennych gwestiynau, neu os oes angen mwy o wybodaeth arnoch, gallwch sgrolio i lawr i ddarllen drwy ein cwestiynau cyffredin, rydym wedi ymdrin â llawer o wahanol agweddau i sichau bod popeth yn glir i bawb.
Cwestiynau Cyffredin
Cwestiynau ac atebion:
Beth os oes angen ‘Addasiadau Rhesymol’ ar fy mhlentyn?’
Er mwyn i hyn fod yn berthnasol, yn gyffredinol byddai angen i’r plentyn neu’r person ifanc ddod o dan y diffiniad ‘anabledd’ o fewn y Ddeddf Cydraddoldeb – mae ganddyn nhw nam sy’n cael effaith andwyol sylweddol a hirdymor ar eu gallu i gyflawni gweithgareddau o ddydd i ddydd.
Mae Deddf Cydraddoldeb 2010 yn ei gwneud yn ofynnol i Gorff Dyfarnu wneud addasiadau rhesymol lle byddai person anabl o dan anfantais sylweddol wrth gynnal asesiad.
Gall addasiad rhesymol i berson penodol fod yn unigryw i’r unigolyn hwnnw ac efallai na fydd yn cael ei gynnwys ar y rhestr o Drefniadau Mynediad sydd ar gael.
Gall addasiad rhesymol i berson penodol fod yn unigryw i’r unigolyn hwnnw ac efallai na fydd yn cael ei gynnwys ar y rhestr o Drefniadau Mynediad sydd ar gael.
Am fwy o wybodaeth, gweler ein tudalen Gwahaniaethu ar sail Anabledd.
Beth pe bai fy mhlentyn yn sâl neu wedi cael anaf a effeithiodd ar ei arholiad?
Mae Ystyriaeth Arbennig yn addasiad a wneir i radd neu farc dysgwr sy’n adlewyrchu anaf dros dro, salwch neu effaith negyddol arall adeg yr arholiad neu’r asesiad.
Siaradwch â’r ysgol neu’r coleg os yw hynny’n digwydd.